ثانيه من فضلك

السلام عليكم ورحمة الله وبركاته

ازيكم الاول

ان شاء الله تكونو تمام
بصو بقي جديدنا انهارده

بتتفرجو عالتلفزيون؟؟؟؟؟؟؟؟؟؟؟؟؟؟؟؟؟؟
اه ببتتفرجوا بلاش بقي تقولو لاءه وكده

بتشوفو مسلسلات طيب؟؟؟؟؟؟
اكيد ناس اه وناس لا

انت مبتتفرجش طب مراتك مش متابع تليفزيون
ولادك
ها؟؟؟؟؟؟؟؟؟؟؟؟؟؟؟؟؟

طيب
المهم نقول الاول المسلسلات
المسلسل بيبقي حوالى نص ساعه ساعه الا تلت زود عليهم الاعلانات بقت ساعه

الفيلم

ساعه ونص ساعتين الا تلت بالاعلانات ساعتين وربع او ساعتين ونص

ماتش الكوره
ساعه ونص بالاضافى و الاستراحه و التعليق وقل سعاتين ونص تلات ساعات

طب وبعدين
قولنا مثلا جايب امبى ثرى و طول طريق شغلك مشغل اغانى انت وحسب بقي
ناس بتوصل فى عشر دقايق ناس فى ربع ساعه ناس فى نص ساعه
ناس فى ساعه واكتر

تخيل بقي اول ما المسلسل يبدا مسكت المصحف و لما يخلص قفلت المصحف
فى خلال 30 يوم هتكون ختمت باذنه ومشيئته

بدل ما تتفرج ع فيلم 2ساعتين تلاته خلص 3 اجزاء لو بتشوف فيلم كل يوم فى 10 ايام هتكون ختمت ان شاء الله

بدل ما تسمع اغانى او اخبار فى الطريق لشغلك
شغل القران وردد وراه عالاقل ودنك تاخد ع القراءه الصحيحه

ها
هتيجو نجدد النيه
لو بتقول انك بتسمع اغانى دينيه او بتشوف افلام محترمه اه مش هتاخد ذنب
بس ثواب قراءه القران افضل
و هيشفعلك فى وحشت قبرك

يلا نجدد نيتنا سوا
متاخرش صلاتك قوم صلى
متستخسرش فى ربك ساعه قراءه قران شوف ضيعت اد ايه مع صحابك

على فكره انا بنصح نفسي قبلكم
مش واعظه و لا دارسه دين

يلا اللي مصلاش يقوم يصلى لا شغل و لا صاحب و تليفزيون و لا نت هينفعك
كله فانى الا عملك

يلا ربنا يوفق الجميع
دمتم فى طاعة الله وحبيبه المصطفى
اللهم اجعله بميزاننا
وميزان من نقله الى غيرنا ليعم الثواب ان شاء الله

:بسمله؟:
:الله:
:الله:
:الله:
على الكلام الي يشرح النفس والله

لو كل واحد عمل بالنصحية هذه

لاعتقهم الله من النار

ولكسبوا ثواب كبيرا

بارك الله فيكي
واسعدك

دمتي في طاعة الله
:هلالا: